Qazaqstan Respýblıkasy Qarjy mınıstriliginiń buıryǵy  №544

2014 jylǵy 5 jeltoqsan, Astana qalasy Memlekettik múliktiń nysanaly paıdalanylýyna baqylaý júrgizgen kezde respýblıkalyq memlekettik zańdy tulǵalardyń, olardyń fılıaldarynyń, ókildikteriniń tekserý paraǵynyń nysanyn jáne táýekel dárejelerin baǵalaý ólshemderin bekitý týraly «Qazaqstan Respýblıkasyndaǵy memlekettik baqylaý jáne qadaǵalaý týraly» Qazaqstan Respýblıkasynyń 2011 jylǵy 6 qańtardaǵy Zańynyń 13 jáne 15-baptaryna, «Memlekettik múlik týraly» Qazaqstan Respýblıkasynyń 2011 jylǵy 1 naýryzdaǵy Zańynyń 202-babynyń 3-tarmaǵyna sáıkes buıyramyn: 1. Mynalar: 1) memlekettik múliktiń nysanaly paıdalanylýyn baqylaýǵa jatatyn respýblıkalyq memlekettik zańdy tulǵalardyń, olardyń fılıaldarynyń, ókildikteriniń tekserý paraǵynyń nysany osy buıryqqa 1-qosymshaǵa sáıkes; 2) memlekettik múliktiń nysanaly paıdalanylýyna baqylaý júrgizgen kezde respýblıkalyq memlekettik zańdy tulǵalardyń, olardyń fılıaldarynyń, ókildikteriniń táýekel dárejelerin baǵalaý ólshemderi osy buıryqqa 2-qosymshaǵa sáıkes bekitilsin. 2. Qazaqstan Respýblıkasy Qarjy mınıstrliginiń Memlekettik múlik jáne jekeshelendirý komıteti (E.K. О́tepov) zańnamada belgilengen tártippen: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryq memlekettik tirkelgennen keıin kúntizbelik on kún ishinde ony merzimdik baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa joldaýdy; 3) osy buıryqty Qazaqstan Respýblıkasy Qarjy mınıstrliginiń ınternet-resýrsynda ornalastyrýdy qamtamasyz etsin. 3. Osy buıryq alǵash resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Qarjy mınıstri B. SULTANOV. Qazaqstan Respýblıkasy Qarjy mınıstriniń 2014 jylǵy 5 jeltoqsandaǵy №544 buıryǵyna 1-qosymsha Memlekettik múliktiń nysanaly paıdalanylýyn baqylaýǵa jatatyn respýblıkalyq memlekettik zańdy tulǵalardyń, olardyń fılıaldarynyń, ókildikteriniń tekserý paraǵy Tekserýdi taǵaıyndaǵan memlekettik múlik jónindegi ýákiletti organ: _____________________________________________________________________________________ _____________________________________________________________________________________ Tekserýdi taǵaıyndaý týraly akt _____________________________________ ( №, kúni) Memlekettik múlik bekitilgen respýblıkalyq memlekettik zańdy tulǵanyń, onyń fılıalynyń, ókildiginiń ataýy: _____________________________________________________________________________________ _____________________________________________________________________________________ № Talaptar tizbesi Baqylaý nátıjesi 1. Qazaqstan Respýblıkasy Úkimetiniń 2011 jylǵy 31 naýryzdaǵy № 335 qaýlysymen bekitilgen Memlekettik organdardyń apparatyn jáne erekshe úı-jaılaryn ornalastyrýǵa arnalǵan alańdar normalary men telefon baılanysyn paıdalaný úshin tıesililik normalaryna alyp otyrǵan úı-jaılardyń sáıkestigi, ornalasý jaǵdaılary aspaıdy asady, sh.m. Úı-jaılardy naqty paıdalaný paıdala-nylady paıdalanyl-maıdy 2. Qazaqstan Respýblıkasy Úkimetiniń 1999 jylǵy 27 mamyrdaǵy № 663 qaýlysymen bekitilgen Qazaqstan Respýblıkasynyń memlekettik organdaryna kólik qyzmetin kórsetý úshin qyzmettik avtomobılderdiń tıistilik normatıvine jáne Qazaqstan Respýblıkasy Úkimetiniń 2000 jylǵy 24 aqpandaǵy № 288 qaýlysymen bekitilgen Tıesililik tabelderine avtokólik sanynyń sáıkestigi aspaıdy asady Kólik quraldaryn naqty paıdalaný paıdala-nylady paıdalanyl-maıdy 3. Tirkeý organdarynda jyljymaıtyn múlik obektilerine jáne kólik quraldaryna memlekettik tirkeýdiń bolýy tirkeý bar tirkeý joq 4. «Memlekettik múlik týraly» Qazaqstan Respýblıkasynyń 2011 jylǵy 1 naýryzdaǵy Zańynyń múlikke bılik etý bóligindegi normalarynyń saqtalýy buzýshy-lyqtar joq buzýshy-lyqtar bar 5. Artyq, paıdalanylmaıtyn ne maqsatqa saı paıdalanylmaǵan múliktiń bolýy joq múliktiń ataýy, sany, olardy odan ári paıdalaný boıynsha usynys 6. Qazaqstan Respýblıkasy Úkimetiniń 2011 jylǵy 1 maýsymdaǵy № 615 qaýlysymen bekitilgen Dúleı zilzalalar men avarııalar saldarynan fızıkalyq nemese moraldyq tozýynan jaramsyz bolǵan memlekettik múliktiń jekelegen túrleriniń buzylýyn jáne joıylýyn resimdeý qaǵıdasynyń saqtalýy buzýshy-lyqtar joq buzýshy-lyqtar bar 7. Qazaqstan Respýblıkasy Qarjy mınıstriniń 2011 jylǵy 15 jeltoqsandaǵy № 636 buıryǵymen bekitilgen Memlekettik múlik tizilimine esepke alý obektileri derekterin engizý pishimi, sondaı-aq birdeı merzimderde memlekettik múlikke túgendeý, pasporttaý jáne qaıta baǵalaý júrgizýdiń biryńǵaı ádistemesiniń saqtalýy buzýshy-lyqtar joq buzýshy-lyqtar bar Tekserý júrgizgen laýazymdy tulǵalar: _______________________________________________________________ (laýazymy) (qoly) (T.A.J.) _______________________________________________________________ (laýazymy) (qoly) (T.A.J.) Tanysty: _______________________________________________________________ (laýazymy) (qoly) Qazaqstan Respýblıkasy Qarjy mınıstriniń 2014 jylǵy 5 jeltoqsandaǵy №544 buıryǵyna 2-qosymsha Memlekettik múliktiń nysanaly paıdalanylýyna baqylaý júrgizgen kezde respýblıkalyq memlekettik zańdy tulǵalardyń, olardyń fılıaldarynyń, ókildikteriniń táýekel dárejelerin baǵalaý ólshemderi 1. Memlekettik múliktiń nysanaly paıdalanylýyna baqylaý júrgizgen kezde respýblıkalyq memlekettik zańdy tulǵalardyń, olardyń fılıaldarynyń, ókildikteriniń táýekel dárejelerin baǵalaý ólshemderi (budan ári - О́lshemder) «Qazaqstan Respýblıkasyndaǵy memlekettik baqylaý jáne qadaǵalaý týraly» Qazaqstan Respýblıkasynyń 2011 jylǵy 6 qańtardaǵy Zańyna sáıkes respýblıkalyq memlekettik menshiktegi múlik bekitilgen respýblıkalyq memlekettik zańdy tulǵalardy, olardyń fılıaldaryn, ókildikterin táýekel dárejelerine jatqyzý úshin ázirlendi. 2. Osy О́lshemderde mynadaı uǵymdar paıdalanylady: táýekel – tekseriletin baqylaý sýbektisiniń qyzmeti nátıjesinde respýblıkalyq menshiktegi múlikti paıdalanǵanda múlikke zııan, zalal keltirý ne qarajattyń maqsatsyz shyǵystary yqtımaldyǵy; baqylaý sýbektileri - respýblıkalyq memlekettik zańdy tulǵalar, olardyń fılıaldary, ókildikteri. 3. Baqylaý sýbektileri olarǵa bekitilgen múliktiń túrine qaraı joǵary, ortasha jáne bolmashy táýekel toptaryna jatady. Baqylaý sýbektilerin tıisti toptarǵa aıqyndaý mynadaı ólshemder boıynsha júzege asyrylady: 1) aldyńǵy tekserý nátıjeleri boıynsha respýblıkalyq bıýdjettiń shyǵyndaryna ákep soqtyrǵan, memlekettik emes zańdy jáne jeke tulǵalarǵa múlikti paıdalanýǵa berýmen baılanysty buzýshylyqtar anyqtalǵan baqylaý sýbektileri joǵary táýekel tobyna jatqyzylady, bul rette kelesi tekserý nátıjeleri boıynsha buzýshylyqtar joıylǵan jaǵdaıda, atalǵan sýbekt ortasha táýekel tobyna jatady; 2) ortasha táýekel tobyna múlik, onyń ishinde jyljymaıtyn múlik obektileri, kólik quraldary, jabdyqtar jáne basqa da múlik bekitilgen baqylaý sýbektileri jatqyzylady; 3) bolmashy táýekel tobyna olarǵa bekitilgen múlik ishinde jyljymaıtyn múlik obektileri, kólik quraldary joq baqylaý sýbektileri jatqyzylady. 4. Baqylaý sýbektilerin, sondaı-aq olarǵa bekitilgen múliktiń bar bolýyn jáne tıpterin aıqyndaý, Memlekettik kásiporyndar men mekemelerdiń, jarǵylyq kapıtalyna memleket qatysatyn zańdy tulǵalardyń tizilimin paıdalaný jolymen júzege asyrylady. 5. Josparly tekserýlerdiń kezeńdiligi: 1) joǵary táýekel dárejesi kezinde – jylyna bir retten; 2) ortasha táýekel dárejesi kezinde – úsh jylda bir retten; 3) bolmashy táýekel dárejesi kezinde – bes jylda bir retten jıi emes jasalady. Buıryq Qazaqstan Respýblıkasynyń Ádilet mınıstrliginde 2015 jylǵy 1 qańtardaǵy Normatıvtik quqyqtyq kesimderdi memlekettik tirkeýdiń tizilimine №10061 bolyp engizildi.